തെരഞ്ഞെടുപ്പ് ഡ്യൂട്ടി ലഭിച്ച ഉദ്യോഗസ്ഥരുടെ വിവരങ്ങൾ ORDER പോർട്ടലിൽ അപ്ഡേറ്റ് ചെയ്യുന്നതിനുള്ള മാർഗ്ഗനിർദ്ദേശങ്ങൾ
ORDER പോർട്ടൽ സന്ദർശിക്കാൻ ഇവിടെ ക്ലിക്ക് ചെയ്യുക
വരാനിരിക്കുന്ന തിരഞ്ഞെടുപ്പ് ജോലികൾക്കായി ഉദ്യോഗസ്ഥരുടെ ബാങ്ക് വിവരങ്ങൾ, ഫോട്ടോ, വോട്ടർ ഐഡി (EPIC) തുടങ്ങിയ വിവരങ്ങൾ ORDER പോർട്ടലിൽ കൃത്യമായി രേഖപ്പെടുത്തേണ്ടതുണ്ട്. ഇതിനായി താഴെ പറയുന്ന ഘട്ടങ്ങൾ പാലിക്കുക:
1. ഡാറ്റ അപ്ഡേഷൻ (Data Updation) മെനു
പോർട്ടലിൽ ലോഗിൻ ചെയ്ത ശേഷം Dashboard-ലെ Data Updation എന്ന ടാബിൽ ക്ലിക്ക് ചെയ്യുക. ഇടത് വശത്തുള്ള Updations ലിസ്റ്റിൽ താഴെ പറയുന്ന ഓപ്ഷനുകൾ കാണാം:
- Epic Number Updation: വോട്ടർ ഐഡി വിവരങ്ങൾ ചേർക്കാൻ.
- Bank Details Updation: പ്രതിഫലം ലഭിക്കുന്നതിനായി ബാങ്ക് അക്കൗണ്ട് വിവരങ്ങൾ നൽകാൻ.
- Employee Photo Uploading: ഐഡി കാർഡിനായി ഫോട്ടോ അപ്ലോഡ് ചെയ്യാൻ.
- Eroll LAC Updation: നിയോജകമണ്ഡലവും വോട്ടർ പട്ടികയിലെ വിവരങ്ങളും പുതുക്കാൻ.
2. വോട്ടർ ഐഡി (EPIC) നമ്പർ ചേർക്കുന്ന വിധം
Epic Number Updation സെക്ഷനിൽ പോയി നിങ്ങളുടെ വോട്ടർ ഐഡി കാർഡിലെ നമ്പർ ടൈപ്പ് ചെയ്യുക. ശേഷം Submit ബട്ടൺ അമർത്തുക. നിങ്ങളുടെ വോട്ടർ ഐഡി നമ്പർ അറിയില്ലെങ്കിൽ Voters’ Service Portal വഴി പേരോ മൊബൈൽ നമ്പറോ ഉപയോഗിച്ച് കണ്ടെത്താവുന്നതാണ്.
3. ബാങ്ക് അക്കൗണ്ട് വിവരങ്ങൾ നൽകുന്ന വിധം
തിരഞ്ഞെടുപ്പ് ഡ്യൂട്ടിയുമായി ബന്ധപ്പെട്ട അലവൻസുകൾ ലഭിക്കുന്നതിന് കൃത്യമായ അക്കൗണ്ട് നമ്പർ, IFSC കോഡ് തുടങ്ങിയ ബാങ്ക് വിവരങ്ങൾ അത്യാവശ്യമാണ്.
- നിങ്ങളുടെ ബാങ്കിന്റെ IFSC Code നൽകുക.
- Account Number ശ്രദ്ധാപൂർവ്വം ടൈപ്പ് ചെയ്യുക.
- Confirm Account Number എന്ന കോളത്തിൽ ഒരിക്കൽ കൂടി അക്കൗണ്ട് നമ്പർ നൽകുക.
- വിവരങ്ങൾ ഉറപ്പുവരുത്തിയ ശേഷം Submit ചെയ്യുക.
4. ഫോട്ടോ അപ്ലോഡ് ചെയ്യുന്ന രീതി
തിരഞ്ഞെടുപ്പ് തിരിച്ചറിയൽ കാർഡിനായി നിങ്ങളുടെ ഫോട്ടോ അപ്ലോഡ് ചെയ്യുമ്പോൾ താഴെ പറയുന്ന കാര്യങ്ങൾ ശ്രദ്ധിക്കുക:
- Format: ഫോട്ടോ .jpg, .jpeg അല്ലെങ്കിൽ .png ഫോർമാറ്റിൽ ആയിരിക്കണം.
- Size: ഫയൽ സൈസ് 100kb-യിൽ താഴെയായിരിക്കണം.
- Browse ബട്ടൺ അമർത്തി ഫോട്ടോ തിരഞ്ഞെടുക്കുക.
- ആവശ്യമെങ്കിൽ ഇമേജ് സ്ലൈഡർ ഉപയോഗിച്ച് ഫോട്ടോ ക്രമീകരിക്കാം (Crop/Adjust).
- അവസാനം പച്ച നിറത്തിലുള്ള Upload ബട്ടൺ അമർത്തുക.
5. വോട്ടർ പട്ടികയിലെ വിവരങ്ങൾ (Electoral Roll LAC)
- Electoral Roll LAC: നിങ്ങളുടെ നിയോജകമണ്ഡലം തിരഞ്ഞെടുക്കുക (ഉദാഹരണത്തിന്: 001-Manjeshwar).
- Polling Station: നിങ്ങൾ വോട്ട് ചെയ്യുന്ന പോളിംഗ് സ്റ്റേഷൻ തിരഞ്ഞെടുക്കുക.
- Serial No: വോട്ടർ പട്ടികയിലെ നിങ്ങളുടെ ക്രമനമ്പർ (Serial Number) നൽകുക.
Update Electoral Roll LAC എന്ന മെനുവിൽ ഉള്ള Electoral Roll LAC, Polling Station, Serial Number എന്നീ ഡീറ്റെയിൽസ് ലഭിക്കാനായി CEO Kerala യുടെ വെബ്സൈറ്റ് സന്ദർശിക്കുക..
Click here to visit the Official Website of CEO Kerala
